terça-feira, dezembro 04, 2007

Homenaxe a Elixio Rodríguez o 4 de xaneiro

A Asociación Arraianos e a Fundación Galiza Sempre organizan unha homenaxe a Elixio Rodríguez, o histórico galeguista, coincidindo co aniversario do seu nacemento en Grou-Lobios o 4 de xaneiro de 1910. A propia familia, Xosé Manuel Beiras e o Vicepresidente da Xunta, Anxo Quintana, están entre os participantes previstos nun programa de actos que se desenvolverá nos Concellos de Lobios e Celanova e que conta coa colaboración do BNG e Galiza Nova e os apoios da Vicepresidencia e a Consellería de Cultura.
A traxectoria de Elixio Rodríguez faino sobradamente merecedor deste recoñecemento: a súa defensa das libertades democráticas e dos dereitos nacionais costoulle un doloroso exilio desde o que seguiu desenvolvendo unha intensa actividade sociopolítica e cultural, coherente co seu pasado de fundador das mocedades galeguistas. Os organizadores recordan que “foi condenado a morte dúas veces durante a guerra, estivo preso no mosteiro de Celanova e a súa familia foi perseguida, fugouse cun avión do exército franquista até Xibraltar e chegou a ser coronel da República, cruzou os Pirineos a pé, estivo refuxiado en Francia e chegou a México como exiliado a bordo do Ipanema en 1939. Lémbrano cheo de “enerxía e vitalidade”, e como “galeguista apaixoado, retranqueiro e agarimoso, correlixionario e amigo de Castelao, Carlos Velo, Luís Soto, Celso Emilio e Pepe Velo”.
Programa homenaxe 4 xaneiro:
12h. Inauguración da Praza Elixio Rodríguez en Grou / Lobios
12.30h Multiusos de LobiosPresentación da reedición libro “Matádeo mañá” editado por Xerais
17.30h. Acto público no Instituto de Celanova.
Intervencións: Xosé Manuel Pereiro. Xornalista. Ana Miranda. Responsable comision emigracion do BNG e voceira do BNG-Galeuscat no parlamento europeo. Xosé Manuel Beiras. Presidente da Fundación Galiza Sempre. Amigos/as e familiares. Pechará o acto o vicepresidente da Xunta, Anxo Quintana.
O acto vai contar tamén coas actuacións musicais de Daniel Romero e Kérkennai

7 comentários:

Anónimo disse...

parabéns a arraianos e galiza sempre por organizar un acto de homenaxe tan merecido coma este. Mágoa que os concellos non se teñan sumado a este evento...

Anónimo disse...

vémonos en celanova o día 4 de xaneiro, aniversario de elixio

Anónimo disse...

Xa ía sendo hora de que os de Xerais se decidiran a reeditar o libro Matádeo Mañá, magnífico testemuño e todo un exercicio de memoria

Anónimo disse...

Vémonos en Celanova para participar nesa merecida homenaxe a Elixio Rodríguez Domínguez.

Anónimo disse...

Bo traballo de organización e un bo programa de actos. A ver se tomamos nota todos e aprendemos dunha vez a organizar as cousas como é debido, aínda que sexa cobrando un bo xornal como moitos lampantíns.

Anónimo disse...

Manda carallo con estes arraianos, como se menean e como organizan...
Parabéns!!

Anónimo disse...

É preciso ter moito coidado con estes arraianos.
Adiante compañeiros!